استفيدى من كرتون الحليب الفارغ

شوفى ازاى ممكن تستفيدى من كرتون الحليب

الميزة فى كرتون الحليب انه مش بيتأثر بالماية عشان كده ممكن نعملها إعادة تدوير و نستغلها فى حاجات كتير 

فى موضوعى النهارده انا عملت منها محفظة نسائية ودى صورتها
و ان شاء الله هعرض خطوات العمل خطوة بخطوة عشان تعرفي انت كمان تصنعيها بنفسك

تابعوا معايا الخطوات وان شاء الله تعملوه بكل سهولة 

اول حاجة دى علبة الحليب 

هنقص الجزء اللى فوق والجزء اللى فى القاعدة 

 هنفتح العلبة من الجنب بالمقص 

هنتنى العلبة 3 طبقات على بعض يعنى بدل مهى 4 جوانب هنخليها 3 جوانب زى الصورة اللى جاية

 ونمشى عليها بالمكواة عشان تثبت كويس

هنرسم بالقلم قوس على طرف العلبة كده

 بعد كده نقصه بالمقص عشان ده هيبقى الغطاء اللى بيقفل على المحفظة

 هنجيب القماشة اللى هنغفل بيها المحفظة و نحطها تحت الكرتونة وهى مفرودة زى الصورة كده ونرسم علي القماشة نفس الرسمة بس اكبر شوية ونبدأ نلزقها باى لزق عندك انا هنا استخدمت الغراء المنزلى اللى عملته قبل كده هتلاقوا طريقته فى مواضيع المدونة

هنبطنها من جوة كمان بقماشة ممكن تكون نفس لون القماشةاللى برة او تكون بلون مختلف متماشى مع اللون اللى برة انا هنا استخدمت لون  تانى واستخدمت مسدس الشمع فى لزقها عشان يبقى اقوى

 هنقص قماشتين بالشكل ده للجوانب

هنلزقهم فى الجوانب ركزوا فى الصورة كويس 

 

 

وفى النهاية ركبت زرار و جبت شريط تنيته وخيطه فى الخلف  عشان اقفل المحفظة بيه ودى النتيجة النهائيه.

اتمنى تعجبكم ان شاء الله واتمنى يكون الشرح واضح 

اصنع بنفسك قلم الكلور

كما عرضنا سابقا فى هذا الموضوع
http://doctoramona.blogspot.com/2014/12/bleaching-pen.html
قلم الكلور وتطبيقات على الملابس باستخدامه ، هنا سنعلمك طريقة صنعه فى المنزل
ووفروا على أنفسكم ثمنه الغالى ، المكونات فعلا موجودة فى كل بيت ، ورخيصة جدا

المتطلبات

 6 ملاعق كلور
كوب ماء
2 ملعقة نشا ( دقيق الذرة )
زجاجة غراء فارغة أو زجاجة ألوان فارغة قديمة
أو يمكن شرائها من المكتبة
كسرولة

الطريقة 

أولا نقلب النشا مع الماء و نرفعه على النار
نقلب حتى نحصل على قوام غليظ
ننزله من على النار ونتركه جانبا ليبرد تماما
نضيف ملاعق الكلور السته ونقلب جيدا
بعدها نقوم بتعبئته فى زجاجة فارغه مثل الموجودة فى الصورة
و الآن عندك قلم كلور من صنع يديك
وتلك الأعمال تم تنفيذها بالقلم

عجينة الملح الآمنة للأطفال

يحب الأطفال كثيرا اللعب بالعجين وما أروع أن يشاركهم الأب و الأم ها النشاط
و من مزايا اللعب بالعجين انه  يساعد على تنمية المهارات الحركية والحسية لدى الطفل ، غير انه ينمى الفكر الابداعى عند الطفل .
والآن لنستعرض معا طريقة عمل العجينة وهى بمواد آمنة من المطبخ فلا تقلقى على أطفالك و هم يلعبون بها .

المقادير

نصف كوب دقيق
نصف كوب ملح
ربع كوب ماء
2 ملعقة زيت طعام
ألوان طعام
يمكنك مضاعفة المكونات .

الطريقة

أولا نضيف الدقيق للملح ثم نقوم بعمل حفرة صغيرة ونصب فيها الزيت .

 نقلبهم معا وبعدها نصب الماء ثم نقلب بأطراف أصابعنا حتى نحصل على

 عجينة متماسكة ولا تلتصق باليد وللحصول على أفضل نتيجة نعجن لمدة 10 دقائق.

                      

نقسم العجين لقطع ونلون كل قطعة بألوان الطعام ثم نبدأ مرحلة التشكيل .

                   
يمكن ترك العجين بدون تلوين ثم نلونه بعد التشكيل .
بعد الانتهاء من عملية التشكيل نقوم بوضع الأشكال على ورق الخبز مع رشه بقليل من الدقيق وتخبز فى الفرن على درجة حرارة 100 مئوية لمدة 3 ساعات .
                        

و الأن سنعرض بعض الأشكال البسيطة وسهله التشكيل من عجينة الملح.                     

          

 

أتمنى ان يحوز الموضوع على اعجابكم .

من علبة كرتون لديكور جميل و أفكار تانية كتير

العلب الكرتون موجودة فى كل البيوت و أغلب الناس بترميها
فى حين ان ممكن نستغلها و نعمل منها تحف فنية نزين بيها بيوتنا
أو حتى نستغلها فى عمل شئ مفيد فى البيت بدل منشتريه من برة زى مهنشوف فى موضوعنا دلوقت .




هبدأ معاكم بديكور حلو أوى عملته من علبة كرتون و بعض ورق المجلات
و أدى الصورة قبل و بعد .

الأدوات 
ورق مجلات
مسدس شمع
الوان زيت
شريط تل مطرز للتيين
اى اكسسوار 
بالنسبة للتزيين لك حرية الاختيار تزين بالطريقة اللى تحبها

 أول حاجه هنلف  ورق المجلات زى الصورة
هنعمل عد كتير عشان يكفى العلبة كلها من الاربع جوانب
بعد كده هنلزق الورق الملفوف ده بالشمع على العلبة
شكل العلبة كده جميل برضه ممكن منكملش و نزينها فى الخطوة دى
بس أنا كان فى دماغى فكرة و كنت عاوز أعملها.

 بعد كده هنلونها بألوان زيت بأى لون أنا  اخترت البنى  عشان كنت حبة انها تظهر كأنها خشب ، سيبتها تنشف لتانى يوم .

بعد كده جيبت شريط تل مطرز و اكسسوار قديم و زينت بيهم العلبة لزقتهم بمسدس الشمع .
وده الشكل النهائي.

أتمنى تكون عجبتكم .

ودى شوية أفكار سهلة و مفيدة تقدروا انتوا كمان تعملوها من العلب الكرتون بسهولة .