المجموعة الشمسية بخامات مختلفة للأطفال

اذا كان أطفالك يحبون العلوم فبالتأكيد سيحبون هذا النشاط حيث يمكنك مشاركتهم فى تنفيذه و يمكن أن يشارك به أطفالك فى معرض علوم المدرسة .يمكن تنفيذ النشاط  بخامات مختلفة كما سنرى فى الصور
مثل الورق - الكرتون - الصلصال - او حتى انواع مختلفة من الفواكه .
فى البداية يجب ان نعرض عليهم صورة للمجموعة الشمسية ثم تعطى أطفالك بعض المعلومات عنها .

فمثلا نذكر لهم أن :-
- المجموعة الشمسة تتكون من الشمس و الكواكب التسعة .-الشمس هى عبارة عن نجم كبير درجة حرارتها مرتفعه تدور حولها الكواكب التسعة .
و نذكر الكواكب بالترتيب من الأقرب للشمس للأبعد .
عطارد - الزهرة - الأرض - المريخ - المشترى - زحل - اورانوس - نبتون - بلوتو 
ثم نصنف الكواكب بأكثر من طريقة حسب الحجم و البعد عن الشمس
- أقرب كوكب هو عطارد   - أبعد كوكب هو بلوتو
-أصغر كوكب هو بلوتو   - أكبر كوكب هو المشترى

- كل كوكب يدور حوله عدد مختلف من الأقمار ما عدا عطارد و الزهرة .
أما  كوكب الأرض فيدور حوله قمر واحد .
- نعرفهم على الصفات المميزة لبعض الكواكب مثلا- نذكر لهم أننا نستطيع أن نرى كوكب الزهرة كنجم ساطع فى السماء
فى وقت الغروب او الشروق لذلك اطلقوا عليه قديما نجمة المساء أو نجمة الصباح.- نعيش على كوكب الأرض
- كوكب المريخ يطلق عليه الكوكب الأحمر

- كوكب المشترى أكبر الكوكب
- كوكب زحل حوله حلقات رائعة من الأحجار و هكذا .
و الآن نعرض عليكم مجموعة مختلفة من الصور لتنفيذ هذا النشاط .

كولة كروشيه رائعة للأطفال ( تطبيق على درس قراءة الباترون المكتوب )

الدرس اللى فات شرحنا طريقة قراءة باترون الكروشيه المكتوب هتلاقوه هنا
النهارده ان شاء الله هنتدرب مع بعض على باترون كولة كروشيه جميلة للأطفال هتعجبكم جدا
نشوف صورتها مع بعض

نشوف مع بعض الباترون بيقول ايه

Ch 52
R1: HDC in 2^nd Ch from hook and in each to end. Ch 2 and turn.

R2: HDC in next 2 sts. 2 HDC in St *HDC in next 3sts, 2 HDC in next sts* Repeat to end. Ch 2 and turn

R3: HDC in next 3 sts. 2 HDC in ST *HDC in next 4 sts, 2 HDC in next sts* Repeat to end. Ch 1 and turn.

R4: Skip next 3 sts. 5DC in next st. DC in next st. 2 DC in next st. *DC in next 5sts,. 2 DC in nex st* Repeat until you have 5 sts left. 5DC in next st. ch 1. Skip 3sts sl st in last st.

باترون الكولة 

Ch 52 يعنى نعمل 52 غرزة سلسلة

R1 :غرزة نصف عمود فى تانى غرزة سلسلة بعد الابرة ونكمل بغرزة نصف عمود فى كل غرزة سلسلة لحد أخر السطر

نعمل 2 غرزة سلسلة ونقلب الشغل

R2: غرزة نصف عمود فى كل من  الغرزتين التاليين ثم  2 غرزة نصف عمود فى الغرزة اللى بعدهم 
ثم نكرر الآتى *غرزة نصف عمود فى كل من ال 3 غرز الأتية ، 2 غرزة نصف عمود فى الغرزة اللى بعدها* نكرراللى بين النجمتين  لحد نهاية السطر نعمل غرزتين سلسلة ونقلب الشغل الناحية  التانية

R3: غرزة نصف عمود فى ال 3 غرز الأتيين ، 2 غرزة نصف عمود فى الغرزة التالية
ثم * نصف عمود فى ال 4 غرز الآتيين ، 2 نصف عمود فى الغرزة التالية * نكرر اللى بين النجمتين لحد آخر السطر
نعمل غرزة سلسلة ونقلب الشغل

R4: هنسيب أول 3 غرز مش هنشتغل فيهم ، هنعمل 5 غرزة عمود فى الغرزة القادمة
نعمل غرزة عمود فى الغرزة الأتيه ثم 2 غرزة عمود فى الغرزة التالية 
ثم *غرزة عمود فى كل من ال5 غرز الاتي  ، 2 غرزة عمود فى الغرزة التالية * نكرر اللى بين النجمتين لحد ميبقى باقى عندنا 5 غرز على نهاية السطر ، هنعمل 5 غرزة عمود فى الغرزة التالية ، بعد كده غرزة سلسلة ونسيب ال 3 غرز اللى جايين من غير شغل
ونختم بغرزة منزلقة فى آخر غرزة من السطر .

نيجى بقى لباترون الوردة

Ch 4 and sl st to first ch to form a ring ( I left a long tail to stitch the flower to the collar)

R1: 10 SC in the ring. Join to first SC with a sl st. (change colours here if you wish)

R2: * Ch 2. 1 DC in next st. 1 HDC in same st. sl st into next st* Repeat to end – You should have 5 petals.

نعمل 4 سلسلة ونشبكهم بغرزة منزلقة عشان نعمل حلقة وقبل منبدأنسيب طرف خيط طويل عشان نشبكه فى الكولة

R1:  هنعمل 10 غرزة عمود من جوة الحلقة نفسها ونشبك آخر غرزة عمود عملناها بأول غرزة عمود عملناها بغرزة منزلقة

R2: نعمل * 2 غرزة سلسلة ، وبعدين غرزة عمود فى الغرزة التالية ، ثم غرزة نصف عمود فى نفس الغرزة 
ثم غرزة منزلقة فى الغرزة التالية * ونكرر اللى بين النجمتين لحد الآخر هتلاقوا اننا بقى عندنا 5 بتلات للوردة
نشبكها فى الكولة بابرة الخياطة الخاصة بالكروشيه  .


بالنسبة لباترون ورقة الشجر هتلاقوه فى الموضوع اللى فات 

بعد مبنخلص هنعمل 70 غرزة سلسلة فى كل من الجهتين من الكولة عشان نربطها على رقبة الطفلة 

أتمنى الموضوع يكون عجبكم واللى يطبق يبعتلنا الصورة عالصفحه الخاصة بين عالفيس.

دورة تعليم الكروشيه للمبتدئات ( درس11 قراءة باترون الكروشيه المكتوب )

بفضل الله تم شرح أساسيات الكروشيه و الغرز الأساسيه فى الشغل
ان شاء الله هنشرح مع بعض ازاى نقرا الباترون
أولا لازم نعرف ان فى نوعين من الباترون
1- باترون مكتوب 
و اللى بيكون مكتوب بالحروف المختصرة لأسماء الغرزباللغة الانجليزية زى مثلا
Ch  اللى هى اختصار لغرزة Chain اللى هى غرزة السلسلة 


2- باترون مرسوم و بيسمى Chart  أو  Diagram
وده بيكون عبارة عن رموز الغرز زى المثال التالى

تعالوا بقى نفتكر مع بعض أسماء الغرز باختصاراتها و رموزها عشان نسهل الموضوع على نفسنا

غرزة السلسلة
الاسم الانجليزى : chain
الاختصار : ch
الرمز :

----------------------

الغرزه المنزلقه 

الاسم الانجليزى : slip stitch

الاختصار : sl st 

الرمز :

--------------------------------

غرزة الحشو 
الاسم الانجليزى : single crochet 
الاختصار : scالرمز : 

-------------------------------

غرزة النصف عمود

الاسم الانجليزى : half double crochet
الاختصار hdcالرمز :

----------------------

غرزة العمود بلفة

الاسم الانجليزى : double crochet 
الاختصار : dc

الرمز :

----------------------

غرزة العمود بلفتينالاسم الانجليزى : treble crochet
الاختصار :trالرمز :

----------------------

غرزة العمود ب 3 لفاتالاسم الانجليزى : double treble crochet
الاختصار : dtrالرمز :

----------------------

غرزة العمود ب 4 لفات 

الاسم الانجليزى : treble treble crochet
الاختصار : tr trالرمز :

----------------------

غرزة الفيشارة 
الاسم الانجليزى : popcorn
الاختصار : popالرمز :

-----------------------

الغرزة المنتفخة
الاسم الانجليزى :puff stitch
الاختصار : puffالرمز : 

------------------------

غرزة المروحة
الاسم الانجليزى : fan stitch
الاختصار : fan st
الرمز :

-----------------------

كده خلصنا الغرز اللى احنا اتعلمناها مع بعض فى دروسنا السابقة
و بم ان الباترونات بتقى مكتوبة باللغة الانجليزية هنشرح مع بعض
الكلمات المهمة اللى بتبقى موجودة فى الباترون عشان نبقى فاهمين الباترون بيقول ايه بالظبط

Hook يعنى الابرة

Yarn يعنى الخيط

YO  اختصار yarn over يعنى لفى الخيط فوق الابرة

Gauge ومعناها معيار الشغل

يعنى مثلا لما يقولنا gauge 10 sc = 5cm

ده معناه ان كل 10 غرز حشو طولهم يساوى 5 سم

طيب ايه فايدة المعيار ده ؟؟ فايدته انه مثلا لما يقولنا فى الباترون طول الكم مثلا 20 سم 

فوقتها هنعرف احنا هنشتغل كم غرزة عشان نوصل للطول المطلوب

يبقى احنا هنا فى المثال بتاعنا هنشتغل 40 غرزة = 20 سم

St اختصار stitch ومعناها غرزه

St(es) اختصار stitches يعنى غرز جمع غرزه

Dec اختصار decrease اللى هو التناقص

Inc اختصار increase  اللى هو التزايد

Bet اختصار between  ومعناها  بين

sp اختصار  space يعنى فراغ

Row يعنى صف أو سطر

Tog اختصار together  ومعناها مع بعض

Sk اختصار skip  يعنى اترك ( مثلا نتررك غرزة ونشتغل فى اللى بعدها )

T ch  اختصار turninig Chain  ودى معناها اننا لما بنخلص السطر
ونيجى نبدأ السطر الجديد بنعمل عددمن غرز السلسلة بيساوى طول الغرزة اللى شغالين بيها

Turn يعنى نقلب الشغل لما نيجى نبدأ سطر جديد

Beg اختصار begin يعنى ابدأ

Rep اختصار repeat  يعنى نكرر اللى عملناه

Lp اختصار loop يعنى لفة اللى هى لفة الخيط على الابرة

prev اختصار previous و معناها السابق 

Col اختصار color يعنى لون الخيط

M col  اختصار main color و معناها اللون الرئيسي للشغل 

لما يقول CA يعنى اللون الاول

لما يقول CB  يعنى اللون الثانى

( ) لما نلاقى القوسين دول معناها اننا نشتغل الكلام  اللى بين الأقواس بنفس الترتيب

بعدد معين من المرات

Rs اختصار right side يعنى الجهة الأمامية للشغل

Ws اختصار wrong side يعنى ضهر الشغل

Rn اختصار round يعنى سطر

Join يعنى نشبك الغرز

Grp اختصار group يعنى مجموعة 

** علامة النجمة معناها اننا نكرر الشغل ممكن لآخر السطر أو ممكن هو يحدد نكرر لاى مكان

---------------------------------

فى بداية الباترون هتلاقيه كاتب الأدوات اللى هى ال Materials

زى مقاس الابرة و معيار الشغل 

بعد كده بيبدأ يكتبلك الخطوات هناخد مثال بسيط لباترون ورقة الشجر

و دى صورتها 

Ch 7 

R1: SC in 2nd ch from hk, HDC in next ch. DC in next 3 chs. Work (2 HDC. ch 2. SC in 2nd ch from hk, 2 HDC) in last ch. Now working on opposite side of  chain. DC in next 3 

chs. HDC in next ch. SC in last ch. Join with sl st into first SC.

شرح الكلام ده ايه 

- ch 7 يعنى اعمل 7 غرز سلسلة

- R1 يعنى السطر الأول 

- SC in 2nd ch from hk يعنى نعمل غرزة حشو فى تانى غرزة سلسلة بعد الابرة

- HDC in next ch نعمل غرزة نصف عمود فى غرزة السلسلة التالية

-  DC in next 3 chs نعمل غرزة عمود فى ال 3 غرز سلسلة القادمين

- Work (2 HDC. ch 2. SC in 2nd ch from hk, 2 HDC) in last ch نعمل كل اللى بين الأقواس فى آخر سلسلة

واللى بين الأقواس 2 غرزة نصف عمود ثم 2 سلسلة ثم نعمل غرزة حشو فى تانى سلسلة عملناها ثم 2 نصف عمود

كل دول هيتعملوا فى أخر سلسلة من ال 7 سلسلة اللى عملناهم فى الأول

-Now working on opposite side of  chain هنشتغل فى غرز السلسلة ال 7 من الجهة الأخرى

يعنى هنقلب الشغل و نكمل فى غرز السلسلة من تحت 

 DC in next 3

chs. HDC in next ch. SC in last ch  نشتغل غرز عمود فى ال 3 سلسلة القادمين و غرزة نصف عمود فى غرزة السلسلة التالية ثم غرزة حشو فى آخر غرزة سلسلة

 Join with sl st into first SC هنشبك اخر غرزة عملناها فى أول غرزة حشو عملناها  بغرزة منزلقة

 كده خلصنا درس النهارده  اتمنى يكون الشرح بسيط و مفهوم 

وان شاء الله ننزل اكتر من باترون مكتوب نتدرب عليهم مع بعض ، فى رعاية الله . 

طريقة عمل أحلى دانيت شيكولاته

أكيد معظمنا بيحب دانيت و خاصة بالشيكولاته 
و الأطفال الصغيرين بيعشقوه 
ايه رأيكم نعمل مع بعض أحلى دانيت شيكولاته فى البيت ؟
الجميل انه سهل جدا
و مكوناته كلها موجودة فى المطبخ و مش مكلف أبدا
نبدأ نقول المقادير

3 كوب لبن
3 ملعقة نشا متدوبة فى ربع كوب لبن
6 ملعقة كبيرة كاكاو
6 ملعقة كبيرة سكر
معلقة كبيرة زبدة

لو تلاحظوا المكونات هتلاقوا ان كل كوب لبن بنعبرله
( معلقة نشا +2 ملعقة كاكاو+ 2 ملعقة سكر )

الطريقة
هنجيب حلة نخلط فيها اللبن + الكاكاو + السكر + الزبدة
هنرفعهم على النار و نسيبها لحد متغلى
بعد كده نضيف النشا باللبن واحدة واحدة ونقلب 
و نسيبهم عالنار يغلوا دقيقتين ونطفى النار
و نصبهم فى الكاسات وبألف هنا .

تجارب علمية بسيطة ( تجربة 1 قوس قزح )

أحمر - برتقالى - أصفر - أخضر - أزرق - نيلى - بنفسجى 

دائما ما ينبهر الأطفال بقوس قزح وألوانه الرائعه فى السماء
و كم يتمنوا أن يطيروا بعيدا ليحضروا معهم قوس قزح ليحتفظوا به
فما رأيكم أن نصنع لهم قوس قزح خاص بهم فى المنزل ونجعلهم يشاركونا تلك
التجربة فكما سترون معنا فهى تجربة علمية بسيطة .
و لكن أولا يجب علينا أن نشرح لهم  التفسير العلمى لكيفية تكون قوس قزح
كيف يتكون قوس قزح
كما نعرف أن الضوء يتكون من سبعة ألون
فعندما تمطر السماء و يسقط ضوء الشمس على قطرات المطر
يمر الضوء من خلال تلك القطرات وينكسر مما يؤدى الى تحلل الضوء
الى ألوانه السبع الرائعه مكونا قوس قزح الرائع

و الآن تعالوا معنا لنقوم بتلك التجربة السهلة 
الأدوات المطلوبة
كوب ماء
ورقة بيضاء
ضوء شمس مباشر
الطريقة
نضع كوب الماء على الورقة البيضاء
ونضعهم فى أشعة الشمس المباشرة
قوموا بلف الكوب قليلا يمينا و يسارا حتى تحصلوا على اوضح قوس قزح
 بألوانه السبعه المميزة .

تابعونا فى سلسلة موضوعاتنا الجديدة تجارب علمية بسيطة .

دورة تعليم الكروشيه للمبتدئات ( درس 10 غرز جديدة من التزايد و التناقص )

الحمد لله تم بفضله شرح الغرز الأساسية فى الكروشيه و تعرفنا معا على التناقص و التزايد
اليوم ان شاء الله هنتعلم مع بعض غرز جديدة ممكن نعملها بتزايد و تناقص الغرز 



1- غرزة المروحة

فى منها نوعين النوع الأول وده رمزه فى الباترون 
وزى مانتوا شايفين عبارة عن 5 غرزة عمود بلفة فى نفس الغرزة يعنى ده تزايد


أما النوع التانى فده رمزه فى الباترون 
برضه عبارة عن 5 غرزة عمود بلفة طيب ايه الفرق بينها و بين النوع الأول 
الفرق ان النوع الأول فى ال5 غرز معمولين فى نفس الغرزة 
أما النوع التانى فال5 غرز معمولين فى نفس الفراغ 

وغرزة المروحة عامة ممكن تكون 5 ، 7، أو 9 غرزة حشو أو نصف عمود أو عمود بلفة او عمود بلفتين 

2- غرزة الصدفة
نوعين برضه وعامة الغرزة بتكون 4 او 6 غرزة بيفصلهم غرزة سلسلة
النوع الأول شكلها كده فى الباترون 
4 غرزة عمود وغرزة سلسلة فى غرزة واحده  بنعمل 2 غرزة عمود وبعدها غرزة سلسلة وبعدها 2 غرزة عمود
النوع التانى نفس الطريقة بس الغرز فى الفراغ  وده رمزها فى الباترون 


3- غرزة الفيشارة 
ودى طريقة عملها 


الفكرة اننا بنعمل 5 غرز فى غرزة واحدة يعنى تزايد و بعدين نشيل الابرة وندخل فى أول غرزة من ال  غرز اللى عملناها و ندخل كمان فى  حلقة الخيط اللى فى آخر غرزة من الخمسة ونسحبها و نطلع بيها من أول غرزة  و نلف الخيط مرة  على الابرة ونطلع من اللفه اللى كانت موجودة عليها .

4 - غرزة المنتفخة 
و الغرزة دى بتعتمد على طريقة التناقص
ودى طريقتها لو هنعملها فى نفس الغرزة 

لكن لو هنعملها فى نفس الفراغ هتكون بالطريقة دى

و دى طريقة تالتة ممكن نعملها نايمة مش واقفة

بتمنى تكون الغرز سهلة و أتمنى تطبيقها يكون سهل عليكم ان شاء الله .