تجارب علمية بسيطة ( تجربة 1 قوس قزح )

أحمر - برتقالى - أصفر - أخضر - أزرق - نيلى - بنفسجى 

دائما ما ينبهر الأطفال بقوس قزح وألوانه الرائعه فى السماء
و كم يتمنوا أن يطيروا بعيدا ليحضروا معهم قوس قزح ليحتفظوا به
فما رأيكم أن نصنع لهم قوس قزح خاص بهم فى المنزل ونجعلهم يشاركونا تلك
التجربة فكما سترون معنا فهى تجربة علمية بسيطة .
و لكن أولا يجب علينا أن نشرح لهم  التفسير العلمى لكيفية تكون قوس قزح
كيف يتكون قوس قزح
كما نعرف أن الضوء يتكون من سبعة ألون
فعندما تمطر السماء و يسقط ضوء الشمس على قطرات المطر
يمر الضوء من خلال تلك القطرات وينكسر مما يؤدى الى تحلل الضوء
الى ألوانه السبع الرائعه مكونا قوس قزح الرائع

و الآن تعالوا معنا لنقوم بتلك التجربة السهلة 
الأدوات المطلوبة
كوب ماء
ورقة بيضاء
ضوء شمس مباشر
الطريقة
نضع كوب الماء على الورقة البيضاء
ونضعهم فى أشعة الشمس المباشرة
قوموا بلف الكوب قليلا يمينا و يسارا حتى تحصلوا على اوضح قوس قزح
 بألوانه السبعه المميزة .

تابعونا فى سلسلة موضوعاتنا الجديدة تجارب علمية بسيطة .

دورة تعليم الكروشيه للمبتدئات ( درس 10 غرز جديدة من التزايد و التناقص )

الحمد لله تم بفضله شرح الغرز الأساسية فى الكروشيه و تعرفنا معا على التناقص و التزايد
اليوم ان شاء الله هنتعلم مع بعض غرز جديدة ممكن نعملها بتزايد و تناقص الغرز 



1- غرزة المروحة

فى منها نوعين النوع الأول وده رمزه فى الباترون 
وزى مانتوا شايفين عبارة عن 5 غرزة عمود بلفة فى نفس الغرزة يعنى ده تزايد


أما النوع التانى فده رمزه فى الباترون 
برضه عبارة عن 5 غرزة عمود بلفة طيب ايه الفرق بينها و بين النوع الأول 
الفرق ان النوع الأول فى ال5 غرز معمولين فى نفس الغرزة 
أما النوع التانى فال5 غرز معمولين فى نفس الفراغ 

وغرزة المروحة عامة ممكن تكون 5 ، 7، أو 9 غرزة حشو أو نصف عمود أو عمود بلفة او عمود بلفتين 

2- غرزة الصدفة
نوعين برضه وعامة الغرزة بتكون 4 او 6 غرزة بيفصلهم غرزة سلسلة
النوع الأول شكلها كده فى الباترون 
4 غرزة عمود وغرزة سلسلة فى غرزة واحده  بنعمل 2 غرزة عمود وبعدها غرزة سلسلة وبعدها 2 غرزة عمود
النوع التانى نفس الطريقة بس الغرز فى الفراغ  وده رمزها فى الباترون 


3- غرزة الفيشارة 
ودى طريقة عملها 


الفكرة اننا بنعمل 5 غرز فى غرزة واحدة يعنى تزايد و بعدين نشيل الابرة وندخل فى أول غرزة من ال  غرز اللى عملناها و ندخل كمان فى  حلقة الخيط اللى فى آخر غرزة من الخمسة ونسحبها و نطلع بيها من أول غرزة  و نلف الخيط مرة  على الابرة ونطلع من اللفه اللى كانت موجودة عليها .

4 - غرزة المنتفخة 
و الغرزة دى بتعتمد على طريقة التناقص
ودى طريقتها لو هنعملها فى نفس الغرزة 

لكن لو هنعملها فى نفس الفراغ هتكون بالطريقة دى

و دى طريقة تالتة ممكن نعملها نايمة مش واقفة

بتمنى تكون الغرز سهلة و أتمنى تطبيقها يكون سهل عليكم ان شاء الله .

دورة تعليم الكروشيه للمبتدئات ( التزايد فى الكروشيه درس 9 )

الدرس اللى فات شرحنا معنى التناقص و عرفنا اننا فيه بنقص عدد الغرز اللى عملناها
يعنى لو عملنا سطر فيه 10 غرز وحبينا السطر اللى بعده يبقى 8 غرز مثلا يبقى هنشتغل بالتناقص 
درس النهارده التزايد هو عكس التناقص 
والتزايد ممكن نعمله لكل الغرز و الفكرة واحدة برضه و هى اننا مثلا ممكن نعمل غرزتين  أو أكثر بنفس طريقة الغرزة اللى بنعملها فوق غرزة واحدة من الصف اللى تحت بكده يبقى زودنا الصف اللى فوق غرزة أو اتنين حسب مزودنا .
والتزايد كمان بيعملنا غرز جديدة بأشكال حلوة.
و التزايد بنستخدمه عشان نكبر العمل بتاعنا زي الدايرة مثلا
طيب  نشوف مع بعض الطريقة و الرموز على الغرز اللى اتعلمناها .
1- التزايد فى غرزة الحشو بغرزة أو اتنين 
 الاسم بالانجليزية : single crochet increase
الإختصار: sc inc ،  وبيبقي مكتوب رقم جنبها 1أو 2 أو 3 حسب عدد الغرز اللى هنزودها 
الرمز :-

لو هنزود غرزة واحدة بيبقى كده  
لو هنزود غرزتين حشو هيبقى  

الطريقة 
لو هنزود غرزة واحدة يبقى هنشتغل غرزة حشو عادية فى الغرزة التالية من الصف اللى تحت و بعد منخلصها هنشتغل كمان غرزة حشو فى نفس الغرزة اللى تحت و اللى عملنا فيه غرزة الحشو اللى فاتت يبقي اشتغلنا غرزتين حشو فى غرزة واحده و زودنا عدد غرز الصف اللى فوق

لو هنزود غرزتين حشو يبقي هنشتغل 3 غرزة حشو فى نفس الغرزة من الصف اللى تحت

2- التزايد فى غرزة النصف عمود
الاسم فى الانجليزية :- half double crochet increase
الاختصار :- hd inc  ، و برضه بيبقى مكتوب جنبها عدد الغرز اللى هنزودها 
الرمز :

لو هنزود غرزة نصف عمود واحدة هيبقى الرمز كده 

لو هنزود غرزتين نصف عمود يبقى الرمز هيكون كده 

الطريقة 

3- التزايد فى غرزة العمود بلفة 
الاسم بالانجليزية : double crochet increase
الاختصار : dc inc  مع كتابة عدد الغرز اللى هيتم اضافتها
الرمز:

لو هنزود غرزة عمود واحدة هيبقي الرمز كده

لو هنزود غرزتين عمود  هيكون الرمز كده 

الصورة اللى جاية لاحظوا انها مفتوحة من تحت  و ده معناه ان الغرز معمولة فى الفراغ اللى تحتها مش من خلال الغرزة اللى تحتها

يعنى عملنا 3 غرز عمود  فى الفراغ 

و بتبقي مكتوبه فى الباترون 3 double crochet in the same space

و الصورة اللى جاية بتوضح طريقة الزيادة فى ال 3 حالات

كده التزايد ان شاء الله يكون مفهوم
طيب هنزل شوية صور لرموز و نكتب مع بعض معناها ايه 

معناها اتنين غرزة عمود فى نفس الغرزة و بينهم غرزة سلسلة



معناها اتنين غرزة عمود فى نفس الغرزة مع 3 سلسلة بينهم



معناها 4 غرزة عمود مع بعض فى نفس الغرزة

ان شاء الله الدرس الجاى هنتكلم عن الغرز الجديدة اللى ممكن نكونها بالتزايد او التناقص
و لو انتوا فاهمين فكرة التزايد و التناقص هتلاقوا الغرز سهله عليكم ان  شاء الله .

chocolate cake كيك الشيكولاتة

بداية  كده الناس اللى بتعمل ريجيم يمتنعوا لأن الكيك ده هيبوظ أى نظام ريجيم
الكيك طعمه رائع و ان شاء الله يعجبكم والأطفال هتحبه جدا
نبدأ مع بعض  بالمقادير 

أولا صوص الشيكولاتة
1 كوب كاكاو خام
1 كوب لبن حليب
1 كوب زيت
1 كوب سكر
هنضرب كل المكونات مع بعض فى الخلاط و ناخد كوب من الصوص اللى اتكون
ونشيله فى الفريزر
و الصوص المتبقى نصبه فى اناء

ثانيا الكيك
2 و نصف كوب دقيق
2 ملعقة سمنة
كوب سكر
5 بيضات
معلقة كبيرة بيكينج بودر
رشة فانيليا

الطريقة
هنضيف الفانيليا للبيض و السكر ونضربهم كويس جدا فى الخلاط
نضيف السمنة ونستمر فى ضرب الخليط
نضيف البيكينج بودر للدقيق و نضيفهم واحدة واحدة للخليط ونضربهم كويس
خلصنا كده المقادير دى 
نضيفلهم فى الآخر صوص الشيكولاتة ونقلبهم كويس جدا

طبعا خلال تحضير الكيك بنكون مشغلين الفرن بتاعنا عشان يسخن كويس
ونجيب صينية الكيك ونبطنها بالزبدة و الدقيق ونصب فيها الخليط

هنسيبها على درجة حرارة عالية لمدة 10 دقايق فى الرف الوسط من الفرن
بعد كده نهدى عليها النار و نسيبها تقريبا 25 دقيقة او لحد متطيب
نخرجها من الفرن ونسيبها تبرد خالص

بعد متبرد هنقسم الكيك لطبقتين ونجيب الصوص اللى فى الفريزر ونحشى الكيك بجزء من الصوص ونقفل طبقتين الكيك على بعض و بعد كده نصب باقى الصوص عليها 

بعد كده نقطعها و نقدمها و بألف هنا 

دورة تعليم الكروشيه للمبتدئات ( الدرس 8 التناقص فى الكروشيه )

Decreasing in crochet


وإختصارها فى الباترونات المكتوبه Dec

والتنقيص فى الكروشيه يعنى بنقلل عدد الغرز الموجودة فى السطر
 عن طريق شغل غرزة واحدة فى غرزتين او تلاتة من الصف اللى تحت
وبنستخدم التنقيص فى عمل الحردات زى حردة الباط و حردة الرقبه كما يستخدم فى التجسيم وتحديد شكل العمل زى البومة اللى عملتها فى موضوع سابق

قبل منبدأ فى شرح التنقيص هنقول ان كل انواع الغرز فى الكروشيه يمكن تنقيصها و كمان الفكرة واحدة مع كل الغرز سواء كنا بنقص غرزة واحدة أو أكتر
والفكرة بتكون اننا بنسيب آخر خطوة من كل غرزة اللى هى خطوة قفل الغرزة و بنقفل الغرز اللى عملناها مع بعض زى مهنشوف فى الشرح ان شاء الله

1-تنقيص غرزة حشو 

dec one single crochet

two single crochet together

وإختصارها فى الباترونات المكتوبه=sc2tog

ورمزها فى الباترونات المرسومه  او 

وشكلها وسط الباترون المرسوم بيكون بالشكل ده 


طريقة العمل
 هنشتغل غرزة حشو فى الغرزة التالية تحتها ومش هنقفلها و نشتغل كمان غرزة حشو فى الغرزة التالية تحتها ونقفل الغرزتين اللى اشتغلناهم مع بعض يبقى احنا كده نقصنا غرزة 
 



1-تنقيص غرزتين حشو
decreasing 2 single crochet
three single crochet together

وإختصارها فى الباترونات المكتوبه=sc3tog

ورمزها فى الباترونات المرسومه  او 

وشكلها وسط الباترون المرسوم بيكون بالشكل ده 




طريقة العمل
نفس الطريقة اللى فاتت لكن بدل منعمل غرزتين حشو نقفلهم مع بعض هنعمل 3 غرزة حشو ونقفلهم مع بعض
زى الصورة دى

3- تنقيص غرزة نصف عمود
decerasing one half double crochet
two half double crochet stitch together



وإختصارها فى الباترونات المكتوبه=hdc2 tog
ورمزها فى الباترونات المرسومه 

وشكلها كدا وسط الباترون المرسوم 

طريقة العمل

هنشتغل غرزة نصف عمود زى ماتعلمناها فى الغرزة التالية تحتها و منقفلهاش ونعمل كمان غرزة نصف عمود فى الغرزة التالية تحتها من غير منقفلها و بعدين نقفل الغرزتين مع بعض .
و دى صورة للطريقة


4 تنقيص غرزتين نصف عمود
decreasing 2 double crochet
three half double crochet stitches together

وإختصارها فى الباترونات المكتوبه=hdc3 tog

ورمزها فى الباترونات المرسومه 

وشكلها كدا وسط الباترون المرسوم 

الطريقة
نفس الطريقة السابقة لكن بدل منعمل غرزتين نصف عمود و نقفلهم مع بعض هنعمل 3 غرزة نصف عمود ونقفلهم مع بعض
و دى صورة للطريقة

5- تنقيص غرزة عمود واحدة
decreasing one double crochet
two double crochet stitches together

وإختصارها فى الباترونات المكتوبه=dc2 tog
ورمزها فى الباترونات المرسومه 

وشكلها كدا وسط الباترون المرسوم 

الطريقة

 نلف لفه حول الإبرة وندخلها فى الغرزة التاليه ثم نلف لفه حول الإبرة ونسحبها خارج الغرزة ثم هنلف لفه حول الإبرة ونسحبها من خلال أول لفتين على الإبرة(نتوقف عند هذه المرحله من عمل أول غرزة عمود)

 نلف لفه حول الإبرة وندخلها فى الغرزة التاليه ثم نلف لفه حول الإبرة ونسحبها خارج الإبرة ثم نلف لفه حول الإبرة ونسحبها من خلال أول لفتين على الإبرة(نتوقف عند هذه المرحلة من عمل ثانى غرزة عمود)
هنلاحظ وجود 3 لفات على الإبرة
هنلف لفه حول الإبرة ونسحبها من خلال الثلاث لفات الموجودين على الابرة مرة واحده

 وبذلك  نكون قد إنتهينا من   غرزة عمود من غرزتين عمود

ودى صورة للطريقة


6- تنقيص غرزتين عمود
decreasing 2 double crochet
three double crochet stitches together


وإختصارها فى الباترونات المكتوبه=dc3 tog

ورمزها فى الباترونات المرسومه 

وشكلها كدا وسط الباترون المرسوم 

الطريقة
نفس الطريقة السابقة و لكن بنعمل 3 غرزة عمود و بنقفلهم مع بعض و دى صورة لطريقة العمل

أتمنى تكون فكرة التناقص فى الكروشيه وضحت
و اى تناقص زى ماشوفتوا فى الشرح بيكون بنفس الفكرة
وهى اننا بنأجل آخر خطوة اللى هى تقفيل الغرزة 
وفى الآخر بنقفل كل الغرز مع بعض
يا رب الشرح يكون واضح .