من ملابسك القديمة خيطى ملابس لأطفالك

ملابس لاطفالك من ملابسك اللى مش بتلبسيها

 بحب دايما استغل الحاجه اللى مش بستعملها

فالموضوع ده مجمعه شوية حاجات عملتها من حاجات تانيه مهمله وده اولهم 

بلوفر مش بلبسه عملته لبنتى الصغيرة 

هنا قبل

وهنا بعد

فى الاول  قصيت الكمام وقصيت اجزاء من الجوانب ورجعت قصرت الكمام على قد البنوتة وبعدين خيتطهم فالبلوفر تانى

وقصرت البلوفر قصيته بالمقص ورجعت تنيته من تحت عشان ميفكش اكيد و

زينته بالورده دى وقطعه قماش من الجينز

 وده بنطلون من قماشة جينز مع اضافة جزء من البلوفر عشان يبقى طقم كامل

وادى الطقم على سلمى بنوتى حبيبتى

 والفستان اللى جاى ده كان جيبة قديمة عندى مبلبسهاش مع اضافة بعض اللمسات من قماش التل

 وهنا الفستان  من الخلف

والفستان اللى جاى ده كان بدى عندى مش بلبسه ضيقته وعملتله حمالات على قد البنوتة

 والجيبة دى بقى عملتها من فستان كنت اشتريته جديد وكان طويل عليا قصيت الجزء الطويل ولانه الفستان كان واسع من تحت فكان الجزء المقصوص طويل يكفى لعمل كشكشة فى الجيبة وزودتلها الاكسسوار ده وهو عبارة عن انسيال قديم مش بلبسه

والموضوع ده فيه طريقة عمل البنطلون بسهولة وفيه اكتر من بنطلون فصلته من لبس مش بلبسه

http://ilove-sewing-and-crafting.blogspot.com/2013/02/blog-post_771.html