دمية محشوة للأطفال من الكروشيه

اليوم ان شاء الله هنعمل لعبة  للأطفال تطبيق على غرزة الحشو
لكن فى الأول لازم نعرف حاجه اسمها التزايد و التناقص فى غرزة الحشو
هنتكلم عنهم دلوقت باختصار عشان نقدر نعمل الشغل بتاعنا وهنبقى نخصص درس خاص بيهم بعد كده بتوسع ان شاء الله
  أولا التزايد
و معناه اننا نزود عدد الغرز،  زى مثلا لما نكون عاوزين نعمل دائرة و نكبرها
يبقي لازم نزيد عدد الغرز و ده بيكون عن طريق عمل 2 غرزة حشو فى الغرة اللى تحت ( يعنى هنشتغل غرزتين حشو فوق غرزة واحدة ) زى الصورة دى .

ثانيا التناقص
وهو عكس التزايد بمعنى اننا هننقص عدد الغرز و ده بيكون عن طريق عمل غرزة حشو واحدة فى الغرزتين اللى تحتها

 ( يعنى هنشتغل غرزة حشو واحدة فوق غرزتين )زى الصورة دى

 ده باختصار شديد جدا

------------------------------------------------

نصائح مهمة لنجاح عمل الدمية
استخدام خيط سميك بعض الشئ مناسب لابرة رقم 5
عد الغرز جيد جدا 
اتزان اليد فى العمل لاتشدى الخيط جامد ولا ترخيه جامد
معرفتك بطريقة عمل الدائرة السحرية 

فى الصورة رقم 5 بنقفل اول غرزة بآخر غرزة بواسطة غرزة المنزلقة
ثم نشد طرف الخيط القصير لضم الدائرة على بعضها

نبدأ العمل
هنقسمها لأجزاء ( الجسم _ العينين_ الجناحين _ الاذنين)

الجسم
الصف الأول نبدأ بعمل 6 غرزة حشو فى الدائرة السحرية  -عندنا 6 غرز
الصف الثانى تزايد ( 2 غرزة حشو فى كل غرزة حشو ) - عندنا 12 غرزة

الصف الثالث تزايد ( نعمل غرزة حشو ثم 2 غرزة حشو فى كل غرزة ) - عندنا 18 غرزة
الصف الرابع تزايد ( غرزة حشو ثم غرزة حشو ثم 2 غرزة حشو فى كل غرزة ونكرر) - عندنا 24 غرز
الصف الخامس تزايد ( غرزة حشو ثم غرزة حشو ثم غرزة حشو ثم 2 غرزة حشو فى كل غرزة و نكرر) - عندنا 30 غرزة
الصف السادس تزايد ( غرزة حشو ثم غرزة حشو ثم غرزة حشو ثم غرزة حشو ثم 2 غرزة حشو ونكرر) - عندنا 36 غرزة
الصف السابع و حتى الصف الثامن عشر هنمشي بغرزة حشو واحدة فى كل غرزة _ 36 غرزة حشو
الصف التاسع عشر تناقص ( غرزة حشو ثم غرزة حشو ثم غرزة حشو ثم غرزة حشو فى كل غرزة ثم غرزة حشو فى غرزتين ) - عندنا 30 غرزة
الصف العشرون تناقص ( غرزة حشو ثم غرزة حشو ثم غرة حشو فى كل غرزة ثم غرزة حشو فى غرزتين ونكرر )- عندنا 24 

الصف الواحد و العشرين ( غرزة حشو ثم غرة حشو فى كل غرزة ثم غرزة حشو فى غرزتين ونكرر) - عندنا 18 غرزة

نبدأ نحشى الجسم بالفايبر

الصف الثانى و العشرين (غرزة حشو فى غرزة ثم غرزة حشو فى غرزتين ونكرر ) -عندنا 12 غرزة
الصف الثالث و العشرين ( غرزة حشو فى كل غرزتين و نكرر) _ عندنا 6 غرز
نشد الخيد ونقفل الشغل 

 

العينين
نبدأ مثل الجسم ونقف عند الصف ثالث ونضع عليهم دوائر أو شؤيط مثل الصورة

الجناحين
نبدأ مثل الجسم ونقف عند الصف الرابع

الاذنين
نعمل 3 غرز حشو ونزيدهم حتى يصبحوا 6 فقط

للفم نقص قطعتين صغيرتين باللون الأصفر من قماش الجوخ 

 

نلصق كل اجزاء اللعبة بالجسم بمسدس الشمع و ها هى النتيجة النهائيه