سورتيت الفيونكة ( تطبيق على غرزة الحشو )

النهاردة ان شاء الله هنشتغل سورتيت للشعر

بغرزة الحشو و ان شاء الله الموضوع سهل و يعجبكم
ودى صورة السورتيت

 

زى مانتوا شايفين هو مكون من وحدتين
الفيونكة
و الاطار اللى بيتلف على الشعر
نبدأ مع بعض الأول بالفيونكة
نعمل حوالى 30 غرزة سلسلة
 

 

بعد كده 5 صفوف من غرزة الحشو

هنضم الطرفين على بعض زى الصورةعشان نوصلهم ببعض بغرزة المنزلقة

و دى صورة بتوضح طريقة ضم طرفين من الكروشيه ببعض بغرزة المنزلقة

هنا خلاص ضميناهم لبعض ، هنجيب خيط بلون تانى ونلفه على الفيونكة من المنتصف 

نيجى بقى للاطار اللى هيتلف على محيط الرأس
أول حاجه نعمل عدد من غرزة السلسلة مناسب لمحيط الرأس
نمشى عليه بعدة صفوف من غرزة الحشو لحد منعمل عدد صفوف كافى للعرض اللى احنا عاوزينه

خلاص عملنا العرض المطلوب للاطار ، هنعطلع بصف من غرز السلسله وليكن 7 غرز

هنوصلها بالطرف التانى زى الصورة كده

هنمشى على ال7 غرز سلسلة ب 7 غرز حشو ، كده احنا عملنا عروة عشان 
هنركب زرار الجهة الأخرى من الاطار عشان نقفل بيه على الرأس

هنخيط الفيونكة على السورتيت فى المكان اللى تحبوه .
و دى صورة لبنوتى و هى لابسة سورتيت من اللى عملتهم